video foto

Г1алг1ай Мехка Правительства кулгалхочун Чилиев Мувсай кхайкарал

«Хьамсара мехкахой!

Вай къаман Паччахьалкхен из 20 шу дизара гарга долхаш да вай. Мохк тоабе, эргбаккха караг1далар боккха лерх1ам болаш х1ама да. Вайна хьалхашка латт из декхар. Укх шоатта дийнахьа белхашка арадовла т1ахьех аз шо.

Ер кхайкарал аз шуга ду вай хьамсарча Мехка лостам эшаш хиларах. Ц1ено лоаттаяра хьал чоалхане дийрзад. Даькъастен хозал геттара боча хилаеза сага! Воашта кхаьчача берката хам бе боаг1а вай.

Цхьа б1аь ах-б1аь шу хьалха, цхьацца бахьанашца 1ехабенна Даьймехкар д1аихача г1алг1ай мухажарий т1ехье я тахан кхыча мехкашка д1анийсьенна. Шоай даьшкар кхаьча укх Даькъастенцара чам д1абалац царна. Хьа царца в1ашаг1кхетар хилча, керттера хаттар хул: «Фуд вай мехка?». Цхьа моллаг1а долча къаман деннадац Дала цу тайпара ший Даьймехкацар морзо ц1ийца ийна хилар.

Иззал къоарга овла болаш, укх лаьттах садоаллаш хилча, ц1енабе вай ер боча Даьймохк! Теркам т1абахийта вай хьамсара юрташта, даьг1енашта, хишта!

Мехка доал лоаттадар вай сийленга кхоачаш да. Арахьар т1ава саг вац из эргбаккха а тоабе а хозбе а - вай кара да из, вай арг1а я!

Шоатта дийнахьа 7 апреле белхашка аравалар, вай юрташка лостам бар декхар хетт сона х1ара Г1алг1ай Мехка вахархочун!»


06 апреля 2012 года